Այսօր Ազգային ժողովում Արտաքին գործերի նախարար Էդվարդ Նալբանդյանի հետ փակ հանդիպման ժամանակ քննարկվել է Հայաստանի` Մաքսային միությանը միանալու հարցը:Սակայն, ինչպես նշեց ԱԺ պատգամավոր Նիկոլ Փաշինյանը, ցավոք Արտաքին գործերի նախարարը որևէ հարցի պատասխան չտվեց.
«Այստեղից կարելի է անել երկու եզրակացություն. կամ տեղեկությունը այնքան անբարենպաստ է, որ իշխանությունը չի կարողանում ներկայացնել, կամ իշխանությունը տեղյակ չէ, թե ինչ է կատարվում»,-ասաց պատգամավորը` հավելելով, որ այսպիսով արտահայտում է իր հիասթափությունը փաստի կապակցությամբ:
ԱԺ նախագահ Հովիկ Աբրահամյանն էլ, ի պատասխան Նիկոլ Փաշինյանի դժգոհությանը` նշեց, որ ՀՀ նախագահը հայտնել է իր մտադրության մասին, իսկ մնացած գործընթացները դեռևս չեն սկսվել:
