Իտալական մամուլն անդրադարձել է հայոց ցեղասպանության 110֊ամյա տարելիցին նվիրված ցուցահանդեսին , որը բացվել է Տրևիզոյում, ապրիլի 5֊ին, Գայանե Սահակյանի նախաձեռնությամբ և որին Antikyan Gallery-ից ներկայացված են Հենրի Էլիբեկյանն ու Ֆրանչեսկո Դե Ֆլորիոն։
Ռոբեգանի տանը (Casa Robegan) «Լույսի գարուն» խորագրով ցուցահանդեսին վերոնշյալ 2 արվեստագետներից բացի ներկայացված են նաև իտալացի ճանաչված նկարիչ Ֆրանչեսկո Ստեֆանինին և քանդակագործ Մաք Սոլինասը։
««Լույսի գարուն»֊ը Տրևիզոյում հայի , հայկական մշակույթի , պատմության մասին առաջին զրույցը չէ ։ Տրևիզոյում բնակվող մեր հայրենակից Գայանե Սահակյանը մշտապես հայկական արվեստի իր ընտրանին է ներկայացնում իտալացի արվեստասերներին՝ նկարչության , երաժշտության և թատրոնի լեզվով ։
Եվ արդեն երրորդ տարին է , ինչ մեր ցուցասրահը ևս իր գործուն մասնակցությունն է բերում Գայանեի հայրենանվեր ձեռնարկներին»,-նշում է Անտիկյան ցուցասրահը՝ ֆեյսբուքյան էջում։
