Գյումրիում ընդդիմադիրներից ոմանք հայտարարեցին, թե այսօր իշխանությունը չափազանց թույլ է...

Էհ, եթե թույլ է, էլ ինչու՞ եք հանրահավաքներ անում, բողոքի ալիք բարձրացնում, էլ ինչու՞ եք քննադատում, խոսում իշխանության «հանցագործությունների» մասին: Եթե թույլ է, ինչու՞ եք ժողովրդի աջակցությունը հայցում, ասում, թե խորհրդարանում 40-50 ձայն կարող եք ապահովել...Մի՞թե թույլի դեմ ազգովի են ելնում, պայքարի կոչ հնչեցնում: Թույլին պարզապես խղճում են ու մի թեթև հպումով՝ տապալում...

Չէ, բարեկամներս, իշխանությունները թույլ են իրենց վարած արտաքին քաղաքականությամբ, տնտեսական քաղաքականությամբ, բայց հզոր են ինքնապաշտպանությամբ:

Հզոր են իրենց ձևավորած վարչաձևով ու վարչախմբով:

Հետևաբար, մի թաքցրեք ճշմարտությունը ժողովրդից:

Ժողովուրդը կգա ձեր հետևից, եթե ասեք ճշմարտությունը:

Լևոն Մութաֆյան