Կատալոնական Mundo Deportivo-ն Չեմպիոնների լիգայի երրորդ տուրի «Ղարաբաղ»-«Ատլետիկո» հանդիպման մասին մեկնաբանությունում «Ղարաբաղը» անվանել է հայկական թիմ:
««Ատլետիկոն» երեկ ոչ-ոքի խաղաց հայկական «Ղարաբաղի»՝ մի թիմի հետ, որի նկատմամբ հաղթանակը թվում էր թե անխուսափելի է», — գրել է Mundo Deportivo-ն:
Ադրբեջանական կողմի և Մադրիդում Ադրբեջանի դեսպանության միջամտությունից հետո պարբերականը «հայկականը» դարձրել է «ադրբեջանական», գրում է haqqin.az-ը:
Հիշեցնենք, որ «Ղարաբաղ»-«Ատլետիկո» հանդիպումը կայացել է հոկտեմբերի 18-ին Բաքվի Օլիմպիական մարզադաշտում և ավարտվել է ոչ-ոքի՝ 0:0:
