Երեկ Եռյակն արդարացիորեն բողոքում էր, որ Արարատի քաղաքապետը քաղաքական նպատակներով օգտագործել է երեխաներին:
Ու ճիշտ էր անում, որ բողոքում էր:
Բայց այսօր նույն տեխնոլոգիան կիրառել է նույն Եռյակը. NEWS.am-ի թղթակիցը հաղորդում է, որ Իջեւանի ավագ դպրոցի կազմակերպիչը, ով Իջեւանի քաղաքապետ, ԲՀԿ անդամ Վարդան Ղալումյանի մայրն է, Իջեւանի Շատրվանների հրապարակ է բերել դպրոցականների, որոնք էլ հենց ելույթների ժամանակ «այո, այո» են բացականչում:
Գուցե իսկապես իշխանությունները վարչական ռեսուրս են գործադրում՝ ընդդիմության հանրահավաքները խանգարելու համար, սակայն նույն Եռյակն էլ հիմնականում հանրահավաքներ է անում այն քաղաքներում, որտեղ կամ քաղաքապետ ունի(Աբովյան, Սիսիան, Իջևան) կամ էլ՝ բիզնես ռեսուրս(Արարարատ):
Կարող են ինձ մեղադրել, պիտակավորել, բայց ես երբեք մեր իրականության մեջ չեմ տեսել, որ իշխանությունն ու նրա դեմ պայքարող ուժերն իրար այսքան նման լինեն՝ որակական ու վարքագծային առումով:
...Եթե չեք հավատում, ասենք, իրար կողքի դրեք Շմայսի ու Յուվեցի Կարոյի հարցազրույցները ու փորձեք երեք տարբերություն գտնել: Գլխից ասեմ, որ նրանց անունների կողքին գրված ՀՀԿ, ԲՀԿ բառերը հաշիվ չեն...

Սուրեն Սուրենյանց