Բրիտանուհի Շերի Էմերսոնի տատիկը կենդանության օրոք սիրում էր հարազատների հետ շփվել SMS հաղորդագրությունների միջոցով: Այդ պատճառով վերջինիս մահից հետո հարազատները  բջջային հեռախոսը թաղել էին  հանգուցյալի  հետ: Բջջային օպերատորը հանգուցյալի ընտանիքին վստահեցրել էր, որ այդ համարն այլևս չի օգտագործվի։

Ուշագրավն  այն է, որ  հարազատներն իրենց վիշտը սփոփելու համար շարունակում էին հաղորդագրություններ ուղարկել  այդ համարին: Ի զարմանս նրանց Շերին տատիկից պատասխան է ստանում՝ «Ես հետևում եմ ձեզ, ամեն ինչ լավ կլինի, պարզապես առաջ գնացեք»։ Շերի Էմերսոնի խոսքով՝  ինքը շատ էր վախեցեկ և կարծել էր, որ ինչ-որ մեկը քանդել է տատիկի գերեզմանը և տարել հեռախոսը։

Սակայն որոշ ժամանակ անց պարզվել է, որ  բջջային օպերատորը համարը փոխանցել է այլ բաժանորդի, ով  էլ կարծել է, որ հաղորդագրությունների հետևում իր ընկերներն են և  պատասխան նամակներ է ուղարկել: Իմանալով ճշմարտությունը վերջինս ներողություն է խնդիրել: