Ինչպե՞ս է Պուտինը Մարիուպոլում մեքենա վարում ու ինչպե՞ս է Զելենսկիի գրասենյակն արձագանքում
Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը մեկնաբանել է ՌԴ նախագահ Վլադիմիր Պուտինի՝ Ռուսաստանի Դաշնության կողմից գրավված Մարիուպոլ կատարած այցին։
«...Մինչ քաղաքակիրթ աշխարհի երկրները հայտարարում են սահմանը հատելու դեպքում «պատերազմի ռեժիսոր»-ին ձերբակալելու մասին, Մարիուպոլի հազարավոր ընտանիքների սպանությունների կազմակերպիչը եկել էր քաղաքի ավերակներով և եղբայրական գերեզմաններով հիանալու: Ցինիզմ և զղջման բացակայություն»,- գրել է Պոդոլյակը Twitter-ում։
Այն, որ Վլադիմիր Պուտինն այցելել է գրավված Մարիուպոլ, հայտնի է դարձել մարտի 19-ի առավոտյան։ Կրեմլի տվյալներով՝ Ռուսաստանի նախագահի այցը չպլանավորված էր և ինքնաբուխ և տեղի է ունեցել մարտի 18-ի լույս 19-ի գիշերը։ Ուղևորության ընթացքում Պուտինը շրջել է քաղաքում և զրուցել տեղի բնակիչների հետ։
