ՀՀ վաստակավոր արտիստ, Մշակույթի նախարարի խորհրդական Արսեն Գրիգորյանը Հանրապետության հրապարակում դհոլ է նվագել:
Հավելենք, որ այսօր` դեկտեմբերի 2-ին, ժամը 10։00-ին, Հանրապետության հրապարակում տեղի է ունեցել «Հայաստան, ի՛մ սեր» խորագիրը կրող միջոցառման մեկնարկն ազդարարող ֆլեշմոբ։
«Քարե գորգի վրա» ազգային տարբեր պարեր կատարելուց հետո՝ երգի, պարի անսամբլներն ու ազգագրական խմբերը Հրապարակից մեկնել են ՀՀ մարզեր։ Դեկտեմբերի 2-ին և 3-ին Հանրապետության մեծ ու փոքր 40 համայնքներում «Հայաստան, ի՛մ սեր» խորագրով աննախադեպ համերգաշար է նախատեսվում, որով կեզրափակվի «Մշակութային կանգառ 2017-ը»։
