Երևանի ավագանու «Մայր Հայաստան» խմբակցության անդամ Արմենակ Դանիելյանի ֆեյսբուքյան գրառումը՝ կից տեսանյութով. «Հարցս ուղղում եմ Երևանի քաղաքապետարանին ու մասնավորապես Տիգրան Ավինյանին.
Ի՞նչ նպատակով է ծախսվում, կամ ինչի՞ համար է նախատեսված երևանցիների կողմից վճարվող (վերջին 3 տարում բարձրացված) գույքահարկը, եթե այդ գումարի մի մասը չի ծախսվում հենց նույն գույքի պահպանման, վերանորոգման կամ փոխհատուցման համար։
Դիցուկ 2 օրինակ.
1. Բազմաբնակարան շենքի բնակիչների կողմից վճարված անշարժ գույքի գուքահարկից որոշակի % պետք է հատկացվի տվյալ շենքի ընթացիկ շահագործման, վերանորոգման, ֆորս մաժորային դեպքերում` փոխհատուցման համար։
2. Տրանսպորտային միջոցի սեփականատերերը, իրենց վճարած գույքահարկից պետք է համայնքի կողմից փոխհատուցում ստանան բնական աղետների և այլ ֆորս մաժորային իրավիճակների հետևանքով նյութական վնաս կրելու համար։
Հ. Գ. Տեսանյութի դեպքի մասին արդեն հրապարակումներ արել եմ, բայց սայլը տեղից չի շարժվել»: