Արդեն մի քանի օր է, ինչ ԲՀԿ խմբակցության քարտուղար Նաիրա Զոհրաբյանը տարբեր լրատվամիջոցների հետ զրույցում հերքում է ԲՀԿ-ի՝ նախագահական ընտրություններից հետո կոալիցիա կազմելու մասին տեղեկությունները, ընդ որում՝ որակումներ տալով նման տեղեկություններ տարածողներին: Հաշվի առնելով այն հանգամանքը, որ նման տեղեկությունները սկսեցին տարածվել ԲՀԿ-ական մեկ այլ պատգամավորի հարցազրույցից (Ուրիխանյանի, հետագայում վերջինս սրբագրեց իր խոսքերը) հետո, որում նրա արտահայտած մտքերը չէին բացառել նման հնարավորությունը, բավականին տարօրինակ իրավիճակ է ստեղծվում: Ո՞րն է պատճառը, որ նվազագույնը 4-5 լրատվամիջոցներով տիկին Զոհրաբյանը, ամեն օր հարցազրույցներ է տալիս ու հերքում այդ տեղեկությունները, ո՞վ է մեղավոր նրանում, որ նրա գործընկերոջ խոսքը օբյեկտիվ պատճառներով ճիշտ չի ընկալվել: Վերջապես ի՞նչ կարիք կա լրատվամիջոցներին, լրագրողներին «օդում» մեղադրել իշխանական պատվերներ կատարելու մեջ, եթե նրանք «ոգեշնչվել» էին Ուրիխանյանի խոսքից: Հետո՝ Զոհրաբյանն այնպես է «վիրավորվել» կոալիցիայի գաղափարից, կարծես մինչև վերջերս իրենք չէին նույն ՀՀԿ-ի համ ՕԵԿ-ի հետ կոալիցիա կազմել: Ի՞նչ կարիք կա նման ինտենսիվության հերքել մի բան, որը կարծես թե այդքան էլ տարածում չէր գտել, ավելին՝ Զոհրաբյանն իր հերքման տեքստերով ավելի շատ է կասկածներ առաջացնում ու շրջանառում կոալիցիայի գաղափարը:

Քաղաքագետ Տիգրան Աբրահամյանի ֆեյսբուքյան գրառումը