Տեղեկացրել ենք, որ Երևանում կայացել է ՖԻՖԱ-ի աշխարհի առաջնության գավաթի ընդունման հանդիսավոր արարողությանը:
Սերժ Սարգսյանը միջոցառման վայր էր եկել ֆուտբոլասեր թոռնիկի՝ փոքրիկ Սերժի հետ միասին:
Աշխարհի նախկին չեմպիոն Քրիստիան Կարամբյոն Սերժ Սարգսյանին է փոխանցել Ֆուտբոլի աշխարհի գավաթը, որին Հայաստանում փաստացի նրանք երկուսով իրավունք ունեին դիպչելու:
Ըստ ֆուտբոլի միջազգային ֆեդերացիայի պահանջի, գավաթին դիպչելու իրավունք ունեն միայն աշխարհի չեմպիոններն ու երկրների ղեկավարները։
Ոսկե գավաթն արդեն 4-րդ անգամ է ուղևորվում միջազգային շրջագայության, որը կտևի 220 օր և կներառի ավելի քան 50 երկիր, որից 24-ում գավաթը ներկայացվելու է առաջին անգամ, այդ թվում՝ Հայաստանում:
Աշխարհի ամենապատվավոր սպորտային մրցանակը, որը պատրաստված է ավելի քան 6 կիլոգրամանոց ոսկուց, ճանապարհորդության ընթացքում ապահովվում է անվտանգության հատուկ միջոցառումներով:
Իսկ թե ի՞նչ ինքնաթիռով է Երևան ժամանել աշխարհի ամենապատվավոր սպորտային մրցանակը՝ ներկայացնում ենք լուսանկարով.
Ա, Մաթևոսյան
Ստորև կարող եք դիտել Սերժ Սարգսյանի ելույթը՝ ՖԻՖԱ-ի աշխարհի առաջնության գավաթի ընդունման արարողության ժամանակ:
