Արդեն տեղեկացրել ենք, որ հայ օգտատերերը քվեարկություն էին կազմակերպել` պահանջելով, որ «Россия 1» հեռուստաալիքը և լրագրող Օլգա Սկաբեևան հրապարակային ներողություն խնդրեն` ՀՀ քաղաքացի Հրաչյա Հարությունյանին վիրավորելու համար:
Տեղեկացրել էինք նաև, որ հուլիսի 13-ին Նոր Մոսկվայի մոտ տեղի ունեցած ավտովթարի գործով մեղադրվող ՀՀ քաղաքացի վարորդ Հրաչյա Հարությունյանից Россия 1 հեռուստաալիքի և մասնավորապես Օլգա Սկաբեևայի կողմից հրապարակավ ներողություն խնդրելու պահանջով կազմակերպված ստորագրահվաքին մասնակցել է 12.500 մարդ: Իսկ ստորագրություններն ուղարկվելու են Россия 1 հեռուստաալիքին:
Կազմակերպվել է ևս մեկ քվեարկություն` միևնույն պահանջով, որի հեղինակը հայտարարության մեջ մասնավորապես ասում է.
Մենք ակնկալում ենք՝ որ Ռուսաստանի Россия-1 ալիք հեռուստատեսությունը հրապարակային ներողություն կխնդրի Հրաչյա Հարությունյանին հրապարակայնորեն նվաստացնելու համար :
* Ռուսաստանի Առաջին ալիք հեռուստատեսության լրագրող Օլգա Սկաբաևնան ցուցաբերեց հստակ հակահայկական դիրքորոշում անընդհատ վկայակոչելով պարոն Հրաչյա Հարությունյանի ազգային պատկանելիությունը:
* Բացի այդ՝ նա օգտագործեց «բառաչել» արտահայտությունն ի նկատելի ռւնենալով Հրաչյա Հարությունյանին:
* Այն ժամանակ երբ մեղադրյալը արդեն հայտնվել եր դատարանում կրելով կանացի խալաթ և ռետինե հողաթափեր:
Հարգենք Մարդու Արժանապատվությունը:
Հիշեցնենք, որ Օլգա Սկաբեևայի ռեպորտաժը, որն արդարացիորեն շատերի զայրույթի պատճառն էր դարձել, արգելափակվել էր հայաստանյան օգտատերերի համար:
