Արդեն տեղեկացրել ենք, որ ՀՀ կրթության և գիտության նախարար Արմեն Աշոտյանն իր տան դիմաց ընկել, կոտրել էր ոտքը և «Նաիրի» բժշկական կենտրոնում պետք է վիրահատեն նրան։
Արմեն Աշոտյանը ֆեյսբուքյան գրառում է կատարել, որտեղ նշել է հետևյալը.
«Հարգելիներս,
Քիչ առաջ ավարտվեց ոտքիս վիրահատությունը, հուսով եմ հնարավորինս շուտ կկարողանամ վերականգնվել և վերադառնալ կյանքի բնականոն ռիթմի։
Շնորհակալություն բժիշկներին և բոլոր նրանց, ովքեր անհանգստացել են իմ առողջական վիճակի համար։ Աստված բոլորիս առողջություն և անփորձանք տարի տա»:
