Երգիչ Հայկոն և ռեժիսոր Լուսինե Մարտիրոսյանն այս օրերին աշխատում են Ցեղասպանության 100-րդ տարելիցին նվիրված տեսահոլովակի ուղղությամբ:
Գեղեցիկ երաժշտությունն ու գործիքավորումը հենց Հայկոյին է , իսկ խոսքերը գրել է Ավետ Բարսեղյանը:
«Հիշիր» անունով երգը Հայկոն կատարում է երիտասարդ երգչուհի Դիանա Առուստամյանի հետ. զուգերգը նաև խորհուրդ և նպատակ ունի՝ ցեղասպանության անմեղ զոհերի հիշատակն ու արդարության պահանջը փոխանցել սերունդներին:
Տեսահոլովակի նկարահանումները կատարվել են իրական դեպքերի հիման վրա գրված սցենարով: Տեսահոլովակի պրեմիերան կլինի մինչև ապրիլի 24-ը և այն ավելի շատ նման կլինի կարճ ֆիլմի, որը կարտահայտի և պատմություն և տրամադրություն:
Ի դեպ, սա հայկական շոու բիզնեսի երկու տաղանդավոր ներկայացուցիչների համագործակցության երրորդ արդյունքն է, և ինչպես Հայկոյի նախկին տեսահոլովաները,որոնց ռեժիսորը Լուսինե Մարտիրոսյանն է, այս մեկն էլ խոստանում է հիշվող և սիրված լինել:
Նշենք, որ հայկական տեսահոլովակների պատմության և դրանցում Եղեռնի թեմայի արծարծման մեջ ռեժիսոր Լուսինե Մարտիորսյանն ունի իր ուրույն ձեռագիրն ու պարբերաբար է անդրադառնում այդ թեմային. դրա մասին նույնիսկ Վլադիմիր Ժիրինովսկին է խոսել՝ Տաշիր մրցանակաբաշխության ժամանակ հայ ռեժիսորին մրցանակ հանձնելով «Տարվա լավագույն տեսահոլովակ»-ի համար:
