«Այսօրվա դրությամբ իշխող կուսակցությունն ինչ-որ վախերի մեջ է, որովհետև խոսում է փոփոխությունների մասին, որոնք այդպես էլ տեղի չեն ունենում»,-նման կարծիք լրագրողների հետ հանդիպման ժամանակ հայտնեց «Ժառանգություն» խմբակցության պատգամավոր Թևան Պողոսյանը:
ՀՀԿ խմբակցության պատգամավոր Լևոն Մարտիրոսյանն էլ հակադարձեց նրան՝ ասելով, որ ոչ մի վախերի մեջ չեն, ՀՀ-ում պարզապես ընդդիմություն չկա.
«Ընդդիմադիրները եթե չմիավորվեն, ապա ոչ մի ձեռնոց չեն կարող նետել իշխող ուժին: Հայաստանում պետք է լինի մեկ ուժեղ ընդդիմություն»,-նկատեց ՀՀԿ-ական պատգամավորը՝ հավելելով.
«Հիշեք ԵԱՏՄ քվեարկությունը, ԿԸՀ նախագահի, Գլխավոր դատախազի ընտրությունները, երբ ջախջախիչ մեծամասնությունը կողմ քվեարկեց: Բյուջե, կառավարության ծրագիր՝ ցանկացած առանցքային հարցի կողմ են քվեարկում, և՛ բաց և՛ փակ, գաղտնի քվեարկության ժամանակ: Փաստը դա է: Եթե իսկապես դեմ եք մի բանի, գնացեք դեմ քվեարկեք, կողմ եք՝ կողմ քվեարկեք, ո՞վ է ձեզ ստիպում»:
Անի Կարապետյան
Մանրամասները՝ տեսանյութում
