Մոլդովայի վարչապետ Կիրիլ Գաբուրիչը, ով երեկ հայտարարել էր իր հրաժարականի մասին, հրաժեշտի սելֆի է արել կառավարության շենքի տանիքին և լուսանկարը հրապարակել Facebook-ում։ Գաբուրիչի հետ լուսանկարվել են նրա թիմի անդամները։ Այս մասին հայտնում է Vesti-ն։
Գաբուրիչի հրաժարականը նախաձեռնել էր Գլխավոր դատախազությունը, որը մեղադրում է նրան կրթության մասին փաստաթղթերի կեղծման մեջ։ Երեկ նա առաջին ցուցմունքն է տվել դատախազությունում։
Ամերիկացի ռեփեր YG-ն հրազենային վնասվածքներ է ստացել Հոլիվուդի հյուսիսում տեղի ունեցած կրակահերթի ժամանակ: Քսանհինգամյա ռեփերի վրա, ում իրական անունն է Դեյքուոն Ռեյ Ջեքսոն, կրակել են երեք անգամ։
rg.ru-ն հայտնում է, որ միջադեպը տեղի է ունեցել ձայնագրման ստուդիայի մոտակայքում։ Ոստիկանությունն այժմ պարզում է դեպքի հանգամանքները։
Նշենք, որ YG-ն իր երաժշտական կարիերան սկսել է 2008-ին։ 2014-ի աշնանն էլ թողարկել է My Krazy Life անվանումով իր առաջին ալբոմը։
