«Օսկար 2018» մրցանակաբաշխությանը հայտնի երգչուհի, դերասանուհի, մոդել Վիկտորիա Սամըրը ներկայացել է հայազգի դիզայներ Մարիա Գրիգորյանի ձևավորած զգեստով: Դերասանուհին հայ մոդելավորին դիմել է այն ժամանակ, երբ չի գտել իրեն հարմար հագուստ: «Նրան տալիս են իմ ինստագրամյան էջը`ասելով մի գուցե ինձ մոտ գտնի: Նա հավանում է իմ զգեստները և կապ հաստատեց ինձ հետ»,-«Արմենպրես լայֆ»-ին իրենց համագործակցությամ մասին պատմել է Մարիա Գրիգորյանը: Հայազգի դիզայները նշել է նաև, որ հետագայում Վիկտորիան իրեն դիմել է նաև «Օսկար 2018»-ի համար:
«Նա ինձ հարցրեց՝ արդյո՞ք ունեմ զգեստ, որը ոչ ոք չի տեսել, պատասխանեցի, որ չունեմ, բայց կունենամ: Նա ցանկանում էր արքայադստեր տեսք ունենալ: Շատ դիզայներներ են առաջարկել նրան զգեստներ և նա ուներ մեծ ընտրություն, բայց ընտրեց իմ մոդելավորած զգեստները: Երբ այն կրեց ասաց`«սա այն էր, ինչ ուզում էի»: Զգեստն ամբողջովին ձեռքի աշխատանք է: Կորսետն ասեղնագործված է, արված է ֆլորենտինյան ոճով և նրա վրա ծախսվել է շուրջ 300 ժամ»:
«Օսկար»-ին Վիկտորիայից հետո իր ինստագրամյան էջում գրել է, թե որքան հաճելի է կրել «Mellardi»-ի զգեստը:
