Ինչպես արդեն տեղեկացրել էինք, Asekose.am-ի ընթերցողներից մեկն ուղարկել է թուրքական «Ezel» հեռուստասերիալում հնչող երգերից մեկը, որն ըստ աղբյուրի` շատ նման է Անահիտ Սիմոնյանի «Կամ»երգին: Ուշագրավն այն է, որ տվյալ երգը համացանցում հայտնվել է շատ ավելի վաղ, քան Անահիտի երգը:
Asekose.am-ի թղթակիցը կապ հաստատեց Անահիտ Սիմոնյանի ամուսնու` կոմպոզիտոր, երգիչ Հայկոյի հետ, ով միաժամանակ տվյալ երգի հեղինակն է:
«Այդ երգի հեղինակը ես եմ, իսկ ես ոգեշնչված չեմ թուրքական երաժշտությունով: Հնարավոր է, որ նմանություն լինի, բայց հնարավոր է նաև այն, որ ես ավելի շուտ եմ ստեղծել այդ երգը»:
Այն դիտարկմանը, որ թուրքական երգն ավելի վաղուց է համացանցում հայտնվել, Հայկոն ասաց, որ հնարավոր է, բայց մի բան հաստատ է, որ ինքն անտարբեր է թուրքական երաժշտության նկատմամբ և տեղի ունեցածն ուղղակի համնկնում է:
Ստորև ներկայացնում ենք երկու երգերը` դատողությունները թողնելով ընթերցողներին:
