Հայաստանը ներկայացնող Վազգեն Թևանյանը դարձավ ազատ ոճի ըմբշամարտի Եվրոպայի երիտասարդական չեմպիոն:

Իտալիայի մայրաքաղաք Հռոմում ավարտին մոտեցող ըմբշամարտի Եվրոպայի երիտասարդական առաջնության 61 կգ քաշային կարգի եզրափակիչում հայ ըմբիշը 5:2 հաշվով հաղթեց ադրբեջանցի Ինտիհամ Վալիզադային:

Վազգեն Թեւանյանը կիսաեզրափակիչում որտեղ 8:1 հաշվով վստահ հաղթանակ էր տարել Ֆրանսիան ներկայացնող Արման Էլոյանի նկատմամբ: Արման Էլոյանը պարտություն է կրել նաեւ բրոնզե մեդալի համար գոտեմարտում: