wedding.am-ը գրում է. ամբողջ աշխարհում և Հայաստանում մեծ տարածում ստացած հարսանեկան ամենահետաքրքիր ավանդույթներ կան, որոնք հարսանիքներին յուրահատկություն և հատուկ կոլորիտ են փոխանցում:
Հարսնացուի համար վճարվող գլխագին
Տարատեսակ սովորույթներ կան տարբեր ազգերի մոտ այս ավանդույթի հետ կապված: Հայերիս մոտ առավել հայտնի թրով հայրական տան շեմը փակելու և հարսի համար գլխագին ստանալու սովորույթը: Կատարվում են նաև մրցույթներ կամ փորձություններ, որոնք հաղթահարելով փեսան պետք է ապացուցի, որ արժանի է իր ընտրյալին:
Աղուհացով կամ լավաշով դիմավորում
Սկեսուր-մայրիկը մինչև նորապսակների տան շեմը նրանց դիմավորում է աղուհացով կամ, ինչպես հայերիս մոտ է ընդունված, մեղր-լավաշով: Աղուհացը կամ մեղրը ճաշակելիս ում կհասնի մեծ կտորը նա էլ կլինի ընտանիքի գլխավորը:
Ծաղկի թերթիկներ
Հարսի և փեսայի գլխին եկեղեցուց կամ ԶԱԳՍ-ից դուրս գալիս լցնում են ծաղիկ թերթիկներ, քաղցրավենիք, բրինձ և այլն:
Հարսին կրել ձեռքերի վրա
Այս ավանդույթը ծագել է հին ժամանակներից, երբ համարվել է, որ նորապսակ հարսը, առաջին անգամ ամուսնացած կնոջ կարգավիճակով մուտք դնելով փեսայի տուն կամ փողոց, խոցելի է լինում, և նրա ամուսինը նրան առնելով ձեռքերի մեջ, հարսին պաշտպանում է անհաջողություններից:
