Մադրիդի «Ատլետիկոյի» հարձակվող Անտուան Գրիզմանը հանդիպել է ակումբի ղեկավարության հետ և հայտնել թիմից հեռանալու ցանկության մասին: Այս մասին հաղորդում է Deportes Cope-ն:
26-ամյա ֆրանսիացու ծառայություններով լրջորեն հետաքրքրված է «Մանչեսթեր Յունայթեդը», բայց կողմերը դեռևս համաձայնության չեն եկել: Գրիզմանը վերջերս տված հարցազրույցներից մեկում ակնարկել էր Անգլիա տեղափոխվելու ցանկության մասին՝ խոստովանելով, որ պատրաստ է փոխել ակումբային գրանցումը՝ հանուն տիտղոսներ նվաճելու հնարավորության:
Հավելենք՝ «Ատլետիկոյի» նախագահ Էնրիկե Սերեսոն օրերս տեղեկացրել էր, որ Գրիզմանը շարունակելու է ելույթներն «Ատլետիկոյում»:
