«Դա Նիկոլ Փաշինյանի ձեռքի գործն է։ Խորհուրդ եմ տալիս՝ շան տեղ չդնել այդ հրապարակմանը»,- լրագրողների հետ զրույցում ասել է «Ուժեղ Հայաստան»-ի առաջնորդ Սամվել Կարապետյանը՝ անդրադառնալով The Insider պարբերականի հրապարակմանը, ըստ որի՝ Կարապետյանի անձնագրային գործում որպես աշխատանքի վայր նշված է եղել ФСБ-ի տեղեկատվական կենտրոնը։

«Եթե մեր երկրում ФСБ-ի հետ մեկը կապ ունի, Նիկոլ Փաշինյանն է»,- նշել է Կարապետյանը։

***

«Իմ կարծիքով՝ քաղաքական հետապնդումները շարունակվելու են»,- այսօր իր գործով դատական նիստից հետո լրագրողների հետ զրույցում ասաց «Ուժեղ Հայաստան» դաշինքի առաջնորդ Սամվել Կարապետյանը։

«Ամեն ինչ պետք է լինի օրենքի սահմաններում։ Քաղաքական պրոցեսների ժամանակ չպետք է լինեն ապօրինություններ։ Բայց եթե նույնիսկ իշխանությունն ապօրինություններ է անում, դա էլ չի օգնելու, իրենք արդեն իրենց «չամադաններն» են հավաքում»,- ընդգծեց Կարապետյանը։