Հաստատվում են տեղեկությունները, ըստ որի ՀՀ առողջապահության նախարար Արմեն Մուրադյանիի փոխարեն այդ պաշտոնում կնշանակվի «Ինգո Արմենիա» ապահովագրական ՓԲԸ գործադիր տնօրեն Լևոն Ալթունյանը:
Asekose.am-ի տեղեկությունները՝ նոր նախարարի նշանակման հրամանը կլինի առաջիկա օրերին:
Նա մտերմիկ հարաբերություններ ունի վարչապետ Կարեն Կարապետյանի հետ:
Ի դեպ, ըստ ասեկոսեների, Լևոն Ալթունյանը մտերիմ էր նաև նախկին վարչապետ Տիգրան Սարգսյանի հետ. ավելին՝ ըստ մամուլի հրապարակումների, «Ինգո Արմենիա» ապահովագրական ՓԲԸ-ն պատկանում էր հենց նրան և իբր՝ դրանով էր պայմանավորված հայաստանյան ապահովագրական շուկայում «Ինգո Արմենիա»-ի առաջատար դիրքեր գրավելու հանգամանքը:
Լ. Ալթունյանը այս ընկերության բաժնետերերից է (25 %):
Նշենք, որ Լևոն Ալթունյանը մասնագիտությամբ բժիշկ-անեսթեզիոլոգ է, սակայն, կրկին ըստ լրատվամիջոցների, կոլեգաների շրջանում ճանաչված է իբրև միլիոնատեր:
Հիշեցնենք, որ «Ինգո Արմենիա»-ի կարգախոսն էր՝ «Եթե՝ ԱՊՊԱ, ապա՝ ԻՆԳՈ», իսկ Լևոն Ալթունյանն արդեն կարող է ասել. «Եթե ԱՊՊԱ, ապա ԱՆ/Առողջապահության նախարարություն/»
Ա.Մաթևոսյան
