Բավական ուշագրավ իրադարձություն այսօր գրանցվել է արդեն ԱԺ-ում թեև դեռ «օրը ճաշ չի դարձել» ու իրադարձությունների, կիքսերի համար դեռ վաղ է:
Եվ այսպես` վերջին շրջանում դիվանագիտական առաքելության մեկնելու եռուն պատրաստությունների ու խոսակցությունների մեջ գտնվող Վահան Հովհաննիսյանից լրագրողները կրկին փորձ են արել իմանալ, թե արդյոք իրական են Գերմանիայում ՀՀ արտակարգ և լիազոր դեսպանի պաշտոնի ստանձնելու մասին լուրերը:
Ընկեր Վահանը խուսափել է պատասխանելուց, սակայն նրա փոխարեն պատասխանել է ՀՀԿ-ական Հովհաննես Սահակյանը՝ ասելով. «Պարոն Հովհաննիսյանը զբաղված է»:
Փաստորեն դուրս է գալիս, որ ընկեր Վահանի նախընտրական վերջին կարգախոսը` «Մեր Վահանը» ՀՀԿ-ականների ընկալումով լավ էլ իրականությանն համապատասխանում է ու արդիական է ոտքից գլուխ:
