Օրերս լրացավ Քիմ Քարդաշյանի 40-ամյակը։ Այդ առթիվ նրա ամուսինը՝ Քանյե Ուեսթը տպավորիչ անակնկալ է մատուցել կնոջը․ «Հոլոգրաֆիա դրախտից»։
«Դու շատ հաջողակ կին ես դարձել։ Ինձ համար մեծ նշանակություն ունի, թե ինչպես ես կապված քո արմատներին և ինչպես ես աջակցում Հայաստանին։ Դու հպարտ հայ ես, և ես հպարտ հայ հայր եմ։ Ես ամեն օր հետևում եմ քեզ և ամենաուրախացնող և գեղեցիկ բանն այն է, որ դու ունես քո ընտանիքը և հիանալի մայր ես․․․»,- ասվում է Քիմի հանգուցյալ հոր ուղերձում։
Քիմը նաև շնորհակալություն է հայտնել ամուսնուն՝ նման նվերի համար և նշել, որ այն կպահի ամբողջ կյանքում. «Այն այնքան կենդանի է: Մենք անընդհատ դիտում ենք՝ լցված արցունքներով ու հույզերով: Ես նույնիսկ չեմ կարող նկարագրել, թե սա ինչ նշանակություն ունեցավ իմ, քույրերիս, եղբորս, մայրիկիս և մեզ հարազատ մարդկանց համար: Շատ շնորհակալ եմ Քանյեին այս հիշողության համար, որը ես կպահեմ ամբողջ կյանքիս ընթացքում»,- նշել է հեռուստաաստղը: