Էջմիածնի հայտնի կրակոցների բուն թեման չնայած փակվել է, բայց Դոն Պիպոյի հարազատները վրդովված են մամուլի հրապարակումներից: Պիպոյի հոր անունից օրերս «Հրապարակի» խմբագրությունը նամակ է ստացել։ Հայրը վիրավորված է որդուն՝ Արթուր Ասատրյանին (Դոն Պիպո) օրենքով գող ներկայացնելու կապակցությամբ:
Ըստ թերթի՝ հայրը գրել է, որ իր տղան Իտալիայի բնակիչ է և այդ դեպքի ժամանակ գտնվել է Իտալիայում։
«Ի դեպ, նա հանդիսանում է խոշոր ձեռնարկատեր, որն ունի հանրախանութների մեծ ցանց, սրճարաններ և ռեստորաններ Մոսկվայում, Իտալիայում և Եվրոպայում: Արթուրը խոշոր բարեգործ է, որն իր միջոցներով պահում է «Հայ օրհնյաց տուն»-ը, ինչը ներկա պահին գտնվում է վերանորոգման մեջ՝ դարձյալ իր միջոցներով: Տունը գտնվում է Երևանում, որտեղ բնակվում են մանկատնից դուրս եկած երեխաները: Էջմիածնում հարյուրավոր ընտանիքներ ապրում են Արթուրի բարեգործության հաշվին, հունիսի սկզբին «էպիկենտրոնով Արթուրին շնորհակալական խոսքեր էին ասում այն բանի համար, որ նա 9 հազար եվրո է տրամադրել երեխայի վիրահատության համար»,- թերթի փոխանցմամբ գրված է նամակում։
Ուշագրավ այլ հոդվածներ` «Հրապարակ» թերթի այսօրվա համարում
