Պաղեստինի գինեկոլոգները տեղեկացրել են տասնյակ կանանց մասին, ովքեր կարողացել են հեռակա կարգով հղիանալ իսրայելական բանտերում ազատազրկման մեջ գտնվող իրենց ամուսիններից. այս մասին հաղորդում է BBC-ն: Սալեմ Աբու Հայզարանը լրագրողներին հայտարարել է, որ նա սերմնահեղուկ է ստանում տարբեր տեսակի տարաներով` ապակե անոթից մինչև պոլիէթիլենային շշեր: Հայզարանի խոսքով` մինչ այսօր անհայտ է, թե ինչպես են տղամարդիկ կարողանում սերմնահեղուկն ուղարկել իրենց կանանց: