«Ազատություն» ռադիոկայանին տված հարցազրույցում Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ Երևանում Գարեգին Նժդեհի արձանի հետ կախված իր խոսքն ավավաղել են:
«Նժդեհի արձանի տեղադրումը անկասկած Հայաստանի ներքին գործն է: Խնդրում եմ իմ` նախկինում այս մասին ասված խոսքը չնենգափոխել, որովհետև այն վնաս է հասցնում: Եվ դա անում են Հայաստանի ոչ բարեկամները: Պատմության հետ կապված հարցերը շատ բարդ են, թող ամաչեն նրանք, ովքեր իմ մեկնաբանությունները նենգափոխել են իրենց քաղաքական նպատակների համար»,- ասել է Զախարովան:
Այս ելույթի հետո ադրբեջանական կայքերը աղմուկ են բարձրացրել, նշելով, որ Զախարովան կեղծիքի մեջ մեղադրում է կոնկրետ ադրբեջանական կայքերին:
««Հայաստանի ոչ բարեկամներ» ասելով Զախարովան նկատի ունի ադրբեջանցիներին: Մեզ մնում է կռահել, թե ինչպիսի լոբբիստական ճնշում է գործադրել հայկական սփյուռքը Ռուսաստանի արտգործնախարարության վրա»,- գրում է Haqqin.az-ը:
