«Շրջանառության հարկի մասին» ՀՀ օրենքում փոփոխություններ և լրացումներ կատարելու մասին օրենքի նախագծում 12-րդ հոդվածով սահմանված` ապրանքներ ձեռք բերելու պարտադիր փաստաթղթավորման պահանջն այսօր ՀՀ կառավարությունը որոշել է հետաձգել: Պահանջը չի տարածվում օրենքն ուժի մեջ մտնելուց հետո մինչև 2015 թվականի փետրվարի 1-ը:

Կառավարության այս որոշումը, գլոբալ հարթության մեջ, որևէ խնդիր չի լուծում, սակայն որոշակի արձագանք է առևտրականների բողոքին:Ենթադրում եմ, որ այս որոշումն որոշակիորեն պառակտում կմտցնի նաև առևտրականների շարքերում:

Նրանցից ոմանք գուցե հանգստանան ձեռք բերվածով՝ հույսով, որ մի քանի ամիս էլ աշխատելու հնարավորություն ստացան, մյուսները համարեն, որ խնդիրը լուծված չէ ու պետք է շարունակել պայքարը: Իշխանությունը սովոր է՝ լղոզված որոշումներով, մասնատել սոցիալական շարժումները:ՍԴ հայտնի որոշումն ու դրա զարգացումներն, ըստ թության, պառակտեցին ՙԴեմ եմ՚ շարժումը: Նույն ազդեցությունը կարող է ունենալ նաև կառավարության այսօրվա որոշումը:

Սուրեն Սուրենյանց