Հաղորդավարուհի-դերասանուհի Նազենի Հովհաննիսյանը լուսանկար է հրապարակել ֆեյսբուքյան էջում` հետևյալ վերնագրով` «Ծոմ։ Օր երկրորդ։ Համբերություն...»
Դրան հետևել են ֆեյսբուքյան մի քանի օգտատերերի գրառումները, որոնց հանդեպ Նազենի Հովհաննիսյանի անտարբերությունը, կարծես թե, վկայում է այն մասին, որ Պահքի վերջին օրերում գտնվող հաղորդավարուհին «Համբերում» է նաև այս առումով:
Նանա Աֆյանն, օրինակ, գրել է. «Ի վերջո, պահքը, բացի սննդային սահմանափակումներից, պահանջում է նաև որոշակի հոգևոր զսպվածություն։ Ասեմ, որ նկարում ֆեյսբուքյան հավատացյալ Նազենի Հովհաննիսյանն է, ով եկեղեցին դարձրել է instagram-ի նկարների ֆոն, իսկ պահքը՝ նիհարելու դիետա։ Մի՞թե չենք սովորել, որ հավատում ենք մեր մեջ, ինքներս մեզ հետ, առանց ոչ մեկի բան ցույց տալու, առանց ապացուցելու, առանց գլուխ գովալու և առանց հրապարակայնացնելու»։
Ավելի ուշ Նազենի Հովհաննիսյանը հետևյալ կերպ է արձագանքել իրեն քննադատողներին. «Մի չարացեք... չարությունը դեստրուկտիվ է....քայքայիչ։ Ես ընդամենը կիսվում եմ իմ դժվարություններով, ոչ միայն հաճելի պահերով։ Իսկ ինձ վրա թող քար նետի նա, ով անմեղ է»: