ESem.am-ը գրում է. Երիտասարդ երգչուհի Սոնա Ռուբենյանն այս տարի անսովոր Ամանոր է ունենալու: Առաջին անգամ նա ընտանիքի անդաների հետ Նոր տարին դիմավորելու են արտերկրում: Կայքի հետ զրույցում երգչուհին նշեց, որ տոնական օրերին Մոսկվայում են լինելու:
«Ամանորի գիշերը տանը չդիմավորելն ինձ համար մի փոքր անսովոր է, հուսով եմ՝ այնտեղ այնքան ուրախ օրեր կունենանք, որ չենք զղջա: Հայաստանից բացակայելու պատճառով նաև Եղևնի չենք զարդարի, որ իրեն միայնակ չզգա»- մեզ հետ զրույցում նշեց երգչուհին:
Սոնայի հավաստմամբ՝ արդեն հասցրել է ընտանիքի անդամների ու մտերիմների համար նվերներ պատրաստել: «Ամեն տարի փորձում եմ հարազատներիս հաճելի անակնկալներ մատուցել: Այս տարի էլ իրենց համար անհրաժեշտ իրեր եմ գնել ու Ամանորին համահունչ փաթեթավորել»,- վստահեցրեց նա:
Նոր տարին շատ սիրող ու Ամանորի գիշերվան անհամբեր սպասող երգչուհին սիրով պատասխանեց կայքի պատրաստած տոնական բլից հարցերին:
Սիրում եմ Ամանորը, որովհետև մանկությանս ուրախ օրերն եմ հիշում:
Չեմ սիրում Ամանորը, որովհետև շա՜տ եմ սիրում
Ամանորի գիշերն առաջինը շնորհավորում եմ ընտանիքիս անդամներին:
Տարվա մեջ միակ անգամն է, որ հանդիպում եմ հեռու բարեկամներիս:
Նոր տարվա գիշերը հեքիաթային է:
Նոր տարին ինձ համար ամենաուրախ ու ամենագեղեցիկ տոնն է:
Ամանորին միշտ փորձում եմ գեղեցիկ տեսք ունենալ
Ձմեռ պապիկից գաղտնի նվեր եմ խնդրել