ԱՄՆ-ում բնակվող հաղորդավար Արա Ղազարյանը ֆեյսբուքյան իր էջում նոր գրառում է կատարել՝ նշելով, որ 2021 պետք է մուտք գործենք՝ 2020-ից վերցնելով անցնող տարվա լավ ու վատ հուշերը, կորստի ցավը եւ ամոթները։
«Չկա դուռ, որը փակելով կքողարկեք, կջնջենք ու կմոռանանք 2020-ի խայտառակ էջերը:
Պետք է ուժ, կամք ու կորով մեր սխալներն ընդունելու, մեջքներս շտկելու եւ դավաճաններին պատժելու համար:
Քանի դեռ մեղավորները չեն պատժվել, քանի դեռ չի տրված արժանի քաղաքական ու բարոյական գնահատական, մենք արժնավայել ապրելու որեւէ շանս եւ հույս ունենալ չենք կարող…»,- գրել է նա՝ կոչ անելով լուռ, անաղմուկ, համեստ ու առաքինի դիավորել նոր տարին, հարգել ազգի զգալի հատվածի կորստի ցավն ու փորձել կարեկցող եւ մարդկային լինել:
Հաղորդավարը ցանկություն է հայտնել, որ շուտ ապաքինվեն մեր վիրավոր զինվորները, շուտ տուն դառնան գերության մեջ գտնվող մեր տղերքը, խաղաղվեն բոլոր հայերի հոգիները։
«Հավերժ փառք զոհված հերոս տղերքին... 2021-ն արարելու, միասնական ու թեւթիկունք լինելու, դավաճանությունն արմատախիլ անելու, մեղավորերին եւ հանցագործներին պատժելու եւ արժանավայել ապրելու սկիզբ թող լինի…»,- եզրափակել է նա։
