Երեկ՝ դեկտեմբերի 12-ին, Հակակոռուպցիոն կոմիտեն օպերատիվ միջոցառում է իրականացրել Սյունիքի մարզում:
Ինչպես հաղորդում է ֆոտոլրագրող Գագիկ Շամշյանը, միջոցառման արդյունքում Հակակոռուպցիոն կոմիտեի աշխատակիցները ձերբակալել և Երևան են տեղափոխել ՀՀ Ներքին գործերի նախարարության ոստիկանության Գորիսի բաժնի պետ Մուշեղ Գևորգյանին և ՀՀ ՆԳՆ ոստիկանության Կապանի բաժնի պետի ծառայության գծով տեղակալ Վաղարշակ Գինոսյանին:
Թե ինչի համար են նրանք ձերբակալվել ու տեղափոխվել Երևան, այս պահին նախաքննության շահերից ելնելով որոշ մանրամասներ չենք հայտնում, սակայն պարզ է, որ Հակակոռուպցիոն կոմիտեի աշխատակիցները հենց այնպես չէին մեկնել Սյունիքի մարզ, և հերթական անգամ նրանք վստահ են եղել, որ ստացված օպերատիվ տվյալները հավաստի են, ժողովրդի լեզվով ասած՝ «ցեմենտ-բետոն»:
