«ԱԺ փոխնախագահ Էդուարդ Շարմազանովն ամեն ինչ ասել է շատ սպառիչ, բայց ինքս ուզում եմ շեշտել, որ չէի ցանկանա, որ իմ գործընկեր Տիգրան Ուրիխանյանը կիսի Կարավաջոյի հայտնի կտավի դիցաբանական հերոսի տխուր ճակատագիրը: Այդ հերոսը, վստահ եմ` գիտեք, Նարցիսն էր»-Asekose.am-ին նման մեկնաբանություն տվեց ԱԺ ՀՀԿ-ական պատգամավոր Մարգարիտ Եսայանը` անդրադառնալով խորհրդարանի փոխնախագահ Էդուարդ Շարմազանովի և պատգամավոր Տիգրան Ուրիխանյանի «բանավեճին»:
Հիշեցնենք, որ Շարմազանովի և Ուրիխանյանի միջև տարաձայնությունը սկսել է այն բանից հետո, երբ Ուրիխանյանն ԱԺ ամբիոնից Ստյոպա Սաֆարյանի հասցեին հայհոյախառն արտահայտություններ է արել, որոնց ի պատասխան` Շարմազանովն ասել է, որ ցնցված է գործընկերոջ ելույթից, և նրա «տեղը ոչ թե պառլամենտն է, այլ` ախոռը»:
Այդ ամենից հետո Ուրիխանյանը հայտարարել է, որ Շարմազանովի կյանքը դժոխքի է վերածելու:
Հավելենք նաև, որ Շարմազանովը միջադեպի վերաբերյալ ասել է հետևյալը. «Եթե ինքը վիրավորվել է, խորապես ափսոսում եմ, ես նպատակ չեմ ունեցել նրան վիրավորելու»:
Ա.Մաթևոսյան
