Համացանցում մեծ տարածում է գտել Լիբանանցի հաղորդավարուհի Ռիմա Կարակիի հարցազրույցի տեսագրությունը՝ մահմեդական քարոզչի հետ: Տեսանյութում հաղորդավարուհին ուղիղ եթերի ժամանակ իր հյուրին՝ Հանի ալ-Սիբաեին հուշում է, որ իրենք քիչ եթերային ժամանակ ունեն և որ նա ըստ էության խոսի։ Դրանից հետո հյուրը հաղորդավարուհուն ասում է, որ «ձայնը կտրի», թողնի՝ ինքը խոսի։ Հաղորդավարուհին էլ հյուրի նման պատասխանից հետո անջատում է վերջինիս միկրոֆոնը՝ ասելով, որ զրույցը կշարունակվի միայն փոխադարձ հարգանքի մթնոլորտում։
Հատկանշականն այն է, որ նրանց քննարկման թեման քրիստոնյաների համագործակցությունն էր իսլամիստական խմբավորումների հետ։
