Համացանցում լուսանկար է ներկայացվել, որտեղ երևում է, որ երգիչ Միհրան Ծառուկյանը՝ կնոջ՝ Արփի Գաբրիելյանի հետ այցելել է Ծիծեռնակաբերդի հուշահամալիր։
Ֆեյսբուք սոցիալական ցանցի օգտատերերը այս լուսանկարն, ինչպես նաև Միհրան Ծառուկյանի տարածած տեսանյութը քննարկման առարկա են դարձել՝ հրավիրելով ՀՀ պարետ Տիգրան Ավինյանի ուշադրությունը։ Ոմանք նշում են, թե լուսանկարը երեկվա է, իսկ շատերն էլ հուշում են, որ տեսանյութը, որ ինքը՝ երգիչն է ներբեռնել ֆեյսբուքյան իր էջում՝ այսօրվա է․․․
Միհրան Ծառուկյանը ֆեյսբուքյան իր էջում այս առիթով հետևյալ գրառումն է կատարել․
«Հարգելի հայրենակիցներ Ծիծեռնակաբերդի մեր այցը և նկարահանումը տեղի է ունեցել մի քանի օր առաջ՝ ՈՉ Այսօր ։
Ցավում եմ, որ մեր շատ հայրենակիցներ վրդովվել են մեր այցից , փոխարենը հպարտանան որ Հայոց Ցեղասպանության մասին կրկին հիշատակվում է մեր բազմահազարանոց էջերով , աշխարհն է տեսնում և իմանում կատարվածի մասին , իսկ մեր թշնամիները ամեն ինչ անում են , որպեսզի սոց հարթակներում ոչ մի հիշեցում և ոչ մի հիշատկում չլինի Հայոց Ցեղասպանության մասին ։ Մեկնաբանություն և բողոք գրելուց առաջ մի փոքր ՄՏԱԾԵՔ սիրելի Հայեր»։
Հիշեցնենք, որ համացանցում մեկ այլ տեսանյութ էր տարածվել, որտեղ երևում էր, որ լարված իրավիճակ է Ծիծեռնակաբերդի մուտքի մոտ․ հուշահամալիր այցելել ցանկացող և ոստիկանների հետ վիճող քաղաքացիների թվում էր Արայիկ Խանդոյանի եղբայրը՝ Արարատ Խանդոյանը։
