Փաստաբան Ռուբեն Մելիքյանը ֆեյսբուքյան ուղիղ եթերում տեսանյութ է հրապարակել՝ կից գրառմամբ․ «Բլոգեր Արտակ Ավետիսյանի գործով»։
«Նիկոլ Փաշինյանը բացահայտ թշնամանք և անհանդուրժողականություն է տարածում քաղաքական հայացքների հիման վրա, և քաղաքական ընդդիմախոսների նկատմամբ քաղաքական հետապնդումներ են իրականացվում․․․ Խուզարկությունէ իրականացվել բլոգեր Արտակ Ավետիսյանի տանը՝ որպես ռեպրեսիվ միջոց՝ վախեցնելու նպատակով․․․ Նրան առաջադրված մեղադրանքի որոշումը դեռևս չեմ տեսել, բայց Արտակ Ավետիսյանը հեռախոսով ինձ հայտնեց, որ մեղքը չի ընդունոմ։ Լինելու է միջնորդություն՝ խափանման միջոցի հետ կապված»,- տեսանյութում նշում է փաստաբանը։
***
Իրավապահներն այս պահին խուզարկում են երկու օր առաջ Շենգավիթում ՔՊ–ի քարոզարշավի ժամանակ Փաշինյանին դավաճան անվանած քաղաքացու՝ Արտակ Ավետիսյանի տունը։ Այս մասին «Նյուզ»-ի հետ զրույցում հայտնել էր նրա փաստաբան Ռուբեն Մելիքյանը։
Հարցին՝ մեղադրանք առաջադրվե՞լ է Արտակ Ավետիսյանին և ի՞նչ խափանման միջոց է կիրառվել, փաստաբանը պատասխանել է. «Խափանման միջոց դեռևս չի ընտրվել, միջնորդություն են պատրաստում։ Մեղադրանք, կարծեմ արդեն առաջադրվել է։ Դեռևս չեմ շփվել քննչականի հետ, չգիտեմ, թե ինչ հոդվածով է առաջադրվել մեղադրանքը։ Ավելի ուշ մանրամասները ուղիղ եթերում կհայտնեմ»։
