Լոնդոնի «Չելսին» հետաքրքրված է Հայաստանի հավաքականի ու Դորտմունդի «Բորուսսիայի» կիսապաշտպան Հենրիխ Մխիթարյանիծառայություններով, հաղորդում է Bild-ը:
Աղբյուրի համաձայն լոնդոնցիները նախորդ տարի արդեն փորձ են արել ձեռք բերել 27-ամյա ֆուտբոլիստին` առաջարկելով «Բորուսսիային» 60 մլն եվրո: Այժմ անգլիական ակումբը պատրաստ է նոր առաջարկով դիմել գերմանացիներին:
Հիշեցնենք, որ Մխիթարյանի պայմանագիրը «Բորուսսիայի» հետ ավարտվում է 2017թ.-ի ամռանը և կողմերը դեռ նոր համաձայնագրի շուրջ պայմանավորվածության չեն եկել: Ավելի վաղ նշվում է, որ նրա ծառայություններով հետաքրքրված են նաև Լոնդոնի «Արսենալն» ու Թուրինի «Յուվենթուսը»:
