«Բերանս մի՛ փակի: Ես հո տեռորիստ չեմ»,- դիմելով Նիկոլ Փաշինյանի անվտանգության աշխատակիցներին՝ ասաց տղամարդը: «Թողե՛ք, ես իմ պահանջն եմ բարձրաձայնել. իմ տղուն տարավ, վառեց Ազատ գյուղում: Ես Արամ Մանուկյանի պապիկն եմ, անունս Արտյոմ Գրիգորյան է»,- նշեց նա:

Ավելի վաղ Փաշինյանը հորդորել էր ուշադրություն չդարձնել քաղաքացու արտահայտությանը՝ նշելով, թե «հիմա թրենդ է դարձել. ամեն տեղ մի մարդ ուղարկում են»:

Սպիտակում Նիկոլ Փաշինյանին մոտեցավ մի կին ու հարց բարձրացրեց շենքի հետ կապված: «Շենքը սարքած, կայնած ա, բայց մենք քուչեքում ենք, խի՞ շենքը չեն հանձնում ժողովրդին»: Փաշինյանն ասաց, որ շինարարությունն ավարտելուց հետո գործընթացներ են ընթանում, հոսանքի հարցն է լուծվում: «Ո՞վ ասաց դա ձեզ՝ Վալոդի՞կը... Վալոդի՛կ, դու պատասխանատո՞ւ ես, որ վարչապետին տենց բան ես ասում... Պարո՛ն վարչապետ, ճիշտ չի ասում, քաշած ա Վալոդիկը»,- արձագանքեց բնակչուհին: