ՀՀ Գործադիր մարմնի հերթական նիստն ամփոփել է հոկտեմբերի 2-ի ՏԻՄ ընտրություններում ՀՀԿ-ի թեկնածուների արդյունքները, որոնք կուսակցությունում դրական են գնահատել արդյունքները:
ԱԺ փոխնախագահ, ՀՀԿ մամուլի խոսնակ Էդուարդ Շարմազանովը հիշեցրել է, որ սեպտեմբերի 18-ի ընտրությունների հետ միասին Հայաստանի 72 համայնքի ղեկավարներներ են ընտրվել ՀՀԿ-ականներ, որով կուսակցությունը պահպանում է առաջատարի դիրքերը երկրի քաղաքական կյանքում:
Անդրադառնալով Վանաձորի ավագանու ընտրության արդյունքներին և Հայկական վերածնունդ կուսակցության որոշմանն՝ աջակցել Լուսավոր Հայաստանին,Էդուարդ Շարմազանովը, մասնավորապես, ասել է. «Այնտեղ անհրաժեշտ կլինի կոալիցիա, որպեսզի 50+1 մանդատ լինի, յուրաքանչյուր քաղաքական կուսակցություն ինքն է որոշում, ՀՎԿ-ի, ԼՀ-ի որոշելու խնդիրն է, կլինի այնպես ինչպես կլինի, կլինի այնպես ինչպես կընտրեն 33 ավագանիները: Կորուստ լինի, կորուստ չինի: Այնպես չի, որ շատ ձայներ ստացած քաղաքական ուժերն արդեն պառլամենտական ընտրություններում այդ ձայններն իրենց «գրպանում» ունեն: ՏԻՄ ընտրություններն այլ յուրահատկություն ունեն, նախագահականն, խորհրդանականը՝ այլ յուրահատկություն: Չպետք է չափից շատ ոգեւորվեն այն քաղաքական կուսակցություները, որոնք շատ ձայն են հավաքել»:
