Քիմ Քարդաշյանի քույրը՝ Քլոե Քարդաշյանը, Instagram-ի Story բաժնում կիսվել է հայկական եռագույնով, ինչպես նաեւ ՀՀ զինանշանին պատկերով պատրաստված իր կախազարդի լուսանկարով:
«Սուրը նշանակում է կապանքները քայքայող ազգի ուժն ու հզորությունը․․․ Պատառոտված կապանքները ազգի ազատության եւ անկախության պայքարի մարմնավորումն են․․․ Ցորենի հասկը հայերի աշխատասիրության խորհրդանիշն է․․․ Գրիչը ազգի մտավոր եւ մշակութային ժառանգությունն է», -գրել է Քլոեն՝բացատրելով զինանշանի խորհրդանիշների նշանակությունը:
Քորթնի Քարդաշյանը ևս Instagram-ի Story բաժնում կիսվել է հայազգի երիտասարդի գրառմամբ, որում ասվում է․ «Աղոթում ենք մեր երկրի, մեր անվախ զինվորների եւ մեր ընտանիքների համար, որոնց կյանքը լուրջ վտանգի տակ է առանց այդ էլ դժվարին ու անորոշ ժամանակներում», ապա ավելացրել է #ԱջակցությունՀայաստանին հեշթեգը։
Հիշեցնենք, որ ավելի վաղ Քիմ Քարդաշյանն իր Instagram-ի Stories բաժնում աջակցություն է հայտնել հայ ժողովրդին.
«Միջազգային հանրությունը պետք է միջամտի, եւ օգտագործելով քաղաքական ու դիվանագիտական միջոցները, կանխի լարվածության հետագա աճն ու զոհերը:
Ես Հայաստանի հետ եմ ու աղոթում եմ նրանց համար, ովքեր ներգրավված են սահմանին այդ լարվածության մեջ: Ես կոչ եմ անում պանդեմիայի այս բարդ շրջանում իրավիճակը խաղաղությամբ կարգավորել»,-ընդգծել էր Քարդաշյանը:
