Ծանրամարտի աշխարհի և Եվրոպայի չեմպիոն Նազիկ Ավդալյանը պատրաստվում է ծանրամարտի աշխարհի վարկանիշային առաջնությաը: Մեջքի ծանր վիրահատությունից հետո մոտ 3 ամիս պահանջվեց Նազիկից վերսկսելու մարզումները: 9 ամիս է ինչ Ավդալյանը կանոնավոր մարզումներ է անցկացնում և հույս ունի, որ ապագայում կկարողանա ավելի լավ մարզավիճակ ձեռք բերել: Մյուս կողմից դժվար է աշխարհի չեմպիոն դառնալուց 6 տարի անց« մի քանի ամիս մարզվելուց հետո «նորից հին կիլոգրամները բարձրացնել: Նազիկ Ավդալյանի խոսքով՝ պետք է իրատես լինել: Ասել է, թե նրա բարձրացրած կիլոգրամներով հնարավոր չէ պայքարել մեդալների համար և առաջնային խնդիր է օլիմպիական վարկանիշ ձեռք բերելը:
Նշենք, որ Նազիկ Ավդալյանը ծանրամարտի Հայաստանի հավաքականի կազմում գալիք աշխարհի առաջնությանը սկսել է պատրաստվել Աբովյանում կազմակերպված ուսումնամարզական հավաքի շրջանակներում: Հոկտեմբերի 29-ից հավաքականը գտնվում է Կազանում, որտեղ անցկացնում է հերթական հավաքը և միայն նոյեմբերի 16-ին կմեկնի Հյուսթոն, որտեղ էլ կայանալու է Աշխարհի հերթական առաջնությունը:
Հավելենք, որ Նազիկ Ավդալյանը հանդես է գալու 69 կգ քաշային կարգում:
ՑԱՅԳ ՀԸ տեսանյութը
