Օպերայի աջակցման հիմնադրամը «Համերգ ճեմասրահում» նախագծի շրջանակներում Հայաստանում առաջին անգամ ներկայացնելու է աշխարհահռչակ իտալացի կոմպոզիտոր, գործիքավորող և դիրիժոր Էննիո Մորրիկոնեի երաժշտության համերգն Օպերային թատրոնում:
Նա երաժշտություններ է գրել ավելի քան 500 ֆիլմերի և հեռուստասերիալների համար, որոնցից 60-ը օսկարակիր են:
Էննիո Մորրիկոնեն 2007-ին «Օսկար» է ստացել կինեմատոգրաֆիայի մեջ նշանավոր ավանդի համար։ 1987թ. «Անձեռնմխելիները» կինոնկարի երաժշտության համար արժանացել է «Ոսկե գլոբուս» և «Գրեմմի» մրցանակների։
Մորիկոնեի երաժշտությամբ կինոնկարներից արժանի են հիշատակման «Մի անգամ Ամերիկայում» , «Դեկամերոն» , «Պրոֆեսիոնալ», «Մալենա» և շատ այլ ֆիլմեր: Նա նաև բազմաթիվ դասական ստեղծագործությունների հեղինակ:
Համերգը տեղի է ունենալու Օպերային թատրոնի Հանդիսությունների սրահում դեկտեմբերի 6-ին, ժամը 19:00:
