Պատգամավորի կինը՝ Գայանե Մկրտչյանը, հայտարարագրել է 400 միլիոն դրամ եւ 300 հազար դոլար դրամական միջոցներ։ Հայտարարագրի համաձայն՝ նրա տարեկան եկամուտները կազմել են 122,5 միլիոն դրամ՝ շահաբաժնից։ Պատգամավորի որդին՝ Վահագն Արսենյանը, հարկային տարվա ընթացքում 110,1 միլիոն դրամի փոխառություններ է հանձնել։ Նրա տարեկան եկամուտները կազմել են 102,8 միլիոն դրամ, որից 2,8 միլիոնը աշխատավարձն է, մնացածը՝ նվիրատվություն։ 2012 թ. ԿԸՀ-ին ներկայացրած հայտարարագրի համաձայն՝ «Ջերմուկ գրուպի» սեփականատեր Աշոտ Արսենյանն ունի 4 շենք եւ շինություն՝ 3324 քմ ընդհանուր մակերեսով, ինչպես նաեւ 2 հողամաս Երեւանում եւ Վայոց ձորում»։
«Հայկական ժամանակ» թերթը գրում է. «ԱԺ ՀՀԿ-ական պատգամավոր Աշոտ Արսենյանը նախորդ տարի 641 միլիոն դրամով (մոտ 1,5 միլիոն դոլար) վաճառել է իրեն պատկանող հասարակական նշանակության շինություն եւ վաճառքից ստացված եկամուտով բաժնեթղթեր ձեռք բերել։ Պատգամավորը միաժամանակ 15,3 միլիոն դրամով գնել է «Հոնդա ակորդ» մակնիշի ավտոմեքենա։ Աշոտ Արսեյանի հարկային տարվա փոխառությունները կազմել են 3,5 միլիարդ դրամ եւ 5,7 միլիոն դոլար։ Հանրապետական պատգամավորի դրամական միջոցները կազմել են 50 միլիոն դրամ, 200 հազար դոլար եւ 100 հազար եվրո։ «Ջերմուկ գրուպի» սեփականատիրոջ 2013 թ. տարեկան եկամուտները կազմել են 6 միլիարդ 818 միլիոն 140 հազար դրամ, 1,1 միլիոն դոլար եւ 33 հազար եվրո։ Այս գումարից ընդամենը 2,9 միլիոն դրամն է պատգամավորի աշխատավարձը, մնացածը՝ շահաբաժին եւ փոխառություններ են։
Շարունակությունը և ուշագրավ այլ հոդվածներ` «Հայկական ժամանակ» թերթի այսօրվա համարում
