«Իրավունք» թերթը գրում է. «ՀՎԿ-ն ի դեմս Արթուր Բաղդասարյանի, անդրադարձել է բանակի խնդիրներին։ Մասնավորապես, առաջարկում է ստեղծել պրոֆեսիոնալ բանակ, եւ 18 տարեկան երեխաները առաջնագծում չկանգնեն։ Այս դրույթի ընդդիմախոսները հարց են բարձրացնում՝ բավական չէ, որ Բաղդասարյանի եւ բարձրաստիճան այլ պաշտոնյաների որդիներն առաջնագծում չեն ծառայել, հիմա էլ այդ նույն դրույթը Ա Բաղդասարյանն այլոց վրա է տարածում։
Իր որդուն առնչվող հարցադրման այս մասը ՀՎԿ-ի ղեկավարը «սեւ փիար» որակեց, եւ հիշեցրեց՝ ինչու իր որդին բանակում չի ծառայել։
«Նախ՝ ես ոչ մի տեղ չեմ կարդացել այն, ինչ դուք եք ասում։ Ինչ վերաբերում է իմ որդուն, նա օրենքով սահմանված կարգով սովորել է եւ սովորում է։ Պաշտպանել է ատենախոսական թեզ, ինչպես շատ ընտանիքներ։ Ես պայքարում եմ, որ աստիճանաբար Հայաստանում ստեղծվի պրոֆեսիոնալ բանակ»,- ասաց Բաղդասարյանը»:
Առավել մանրամասն՝ թերթի այսօրվա համարում
