Գերմանիան ներկայացնող հայ պրոֆեսիոնալ բռնցքամարտիկ, գերմիջին քաշային կարգում WBO վարկածով աշխարհի չեմպիոն Արթուր Աբրահամը հերթական անգամ պաշտպանեց տիտղոսը:
Գերմանիայի Հանովեր քաղաքում կայացած մենամարտում 35-ամյա Աբրահամը միավորներով առավելության հասավ անգլիացի Մարտին Մարեյի նկատմամբ:
3 մրցավարներից երկուսն առավելությունը տվեցին Աբրահամին, իսկ մեկը՝ 33-ամյա Մարեյին (115:112, 112:115, 116:111):
Այսպիսով, Աբրահամը հաղթեց ու հերթական անգամ պաշտպանեց չեմպիոնական տիտղոսը:
Հիշեցնենք, որ Արթուր Աբրահամը անցկացրել է 48 մենամարտ, որից 44-ում հաղթանակ է տարել, պարտվել է 4-ում:
