Heat.ru-ն գրում է,որ Ռուսաստանի «The Voice» նախագծի նկարահանումների ժամանակ երեկ հանդիսատեսն արտակարգ պատահարի ու իրական դժբախտ դեպքի է ականատես եղել:
Մասնակիցներից մեկի ընկերուհին, ուրախանալով իր ընկերուհու հաջողությամբ, զգացմունքների պոռթկման պահին անհաջող ցատկել է և գլորվել աստիճաններից:
Բոլորի ուշադրությունը բեմից տեղափոխվել և սևեռվել է հատակին պառկած աղջկան: Հուսահատված աղջիկը նույնիսկ ինքնուրույն չէր կարողանում բարձրանալ: Աղջիկը լաց էր լինում պարանոցի, մեջքի և ոտքի շրջանի սուր ցավերից: Եվ քանի որ վնասվածքները լուրջ էին, շտապ օգնություն է կանչվել: Շտապ օգնության բժիշկները որոշել են աղջկան անհապաղ հոսպիտալացնել: Նկարահանումներն ստիպված են եղել ժամանակավորապես դադարեցնել, որպեսզի ներկաները կարողանան դուրս գալ շոկից, իսկ ընդմիջումից հետո այն կրկին վերսկսել են:
