«Ժողովուրդ» օրաթերթի պաշտոնական կայքը՝ armlur.am, zhoghovurd.am, այսօր ողջ օրվա ընթացքում չի կարողացել ապահովել իր բնականոն գործունեությունը: Պատճառն այն է, որ մարտի 1-ից ակտիվ գործունեություն ծավալող կայքը այսօրվա ընթացքում արդեն 3-րդ անգամ DDOS հարձակման է ենթարկվում:

Արդյո՞ք այս հարձակումը քաղաքական ենթատեքտ ունի, թե՞ այլ կողմից է գալիս հարվածը, առայժմ մեզ չի հաջողվել պարզել: Մեր մասնագետներն աշխատում են այդ ուղղությամբ: Արդյունքները կհրապարակենք իմանալուն պես:

Իսկ մինչ այդ «Ժողովուրդ» օրաթերթի եւ armlur.am-ի խմբագրակազմը տեխնիկական խափանումների համար հայցում է ընթերցողների ներողամտությունը՝ հարձակման հեղինակներին հորդորելով ծիծաղելի աստիճանի պարզամիտ չլինել:

Համակարգչի թիկունքում թաքնվելով լրատվամիջոցի գործունեությունը կաթվածահար անելը լռեցնելու ամենալավ տարբերակը չէ:

«Ժողովուրդ» օրաթերթի եւ armlur.am-ի խմբագրություն