Նախագահ Սերժ Սարգսյանի հրամանագրով Արմեն Գևորգյանը նշանակվել է ՀՀ նախագահի աշխատակազմի ղեկավար։
Ա.Գևորգյանը ծնվել է 1973թ. հուլիսի 8-ին, Երևան քաղաքում:
1993թ. գերազանցությամբ ավարտել է Սանկտ-Պետերբուրգի պետական ծառայության ինստիտուտը։
1993-1996թթ. Սանկտ-Պետերբուրգի Գերցենի անվան ռուսաստանյան մանկավարժական համալսարանի ասպիրանտ:
Համատեղությամբ ավարտել է նաև Տվենտեի (Նիդերլանդներ) համալսարանի մագիստրատուրան՝ կրթության և վերապատրաստման համակարգերի ծրագրավորում մասնագիտությամբ։
Տարբեր տարիներին Ա.Գևորգյանը զբաղեցրել է վարչապետի օգնականի պաշտոնը, նախագահի առաջին օգնականի, աշխատակազմի ղեկավարի առաջին տեղակալի, նախագահի առաջին օգնականի, նախագահի աշխատակազմի ղեկավարի, Ազգային անվտանգության խորհրդի քարտուղարի, տարածքային կառավարման նախարարի, փոխվարչապետի պաշտոնները։
2014 թվականի հոկտեմբերի 17-ին ՀՀ նախագահի հրամանագրով ազատվել է փոխվարչապետի և տարածքային կառավարման նախարարի պաշտոններից։
