Life.panorama.am-ը գրում է, որ Արևիկ Ուդումյանն իր գործնական հետաքրքրությունների ցանկն ավելացրել է ևս մեկով. հաղորդավարուհին մանկության ընկերուհու՝ Վիլենայի հետ գեղեցիկ արծաթյա կախազարդեր է պատրաստում, որոնց պահանջարկն ու հետաքրքրվածությունը մեծ է հատկապես երիտասարդների շրջանում:
«Արդեն մեկ ամիս է այդ գործով ենք զբաղվում: Գաղափարը Վիլենայինն էր: Հաճախ էինք խորհրդակցում միասնական գեղեցիկ ու հետաքրքիր գործի մասին: Այս գաղափարն ինձ շատ հետաքրքրեց: Մեր կախազարդերը տարբեր գույների են, և բոլորից պարտադիր կախված է մեր լոգոն՝ արծաթյա վարդը»,- նշել է Արևիկը:
Այն հարցին, թե արդյոք միմյանց չեն խանգարում հեռուստատեսությունն ու, կարելի է ասել, բիզնեսը, Արևիկը պատասխանել է. «Ասեմ, որ հիմնական աշխատանքը գործընկերուհիս է կատարում, ինչում իմ բախտը շատ է բերել: Իհարկե, կարևոր որոշումները միասին ենք իրականացնում»:
Կախազարդերը թեմատիկ բնույթ ունեն: Դրանք ոչ միայն զարդի կարգավիճակ ունեն, այլ, հաճախ կարելի է դրանցից ելնելով՝ կռահել մարդու մասնագիտությունը, կարդալ նրա կյանքի պատմությունը:
Առավել մանրամասն՝ սկզբնաղբյուր կայքում
